’ٹک ٹاک اسٹار حریم شاہ کو رمضان ٹرانسمیشن میں میزبانی کی پیشکش‘

کرونا وائرس: 24 گھنٹوں کے دوران 500 سے زائد برطانوی شہری ہلاک
April 2, 2020
موڈیز اسٹیٹ بینک کے کورونا وائرس سے متعلق اقدامات کی معترف
April 2, 2020

’ٹک ٹاک اسٹار حریم شاہ کو رمضان ٹرانسمیشن میں میزبانی کی پیشکش‘

ٹک ٹاک اسٹار حریم شاہ نے رمضان ٹرانسمیشن کی میزبانی کی پیشکش کا دعویٰ کیا ہے۔

اس حوالے سے حریم شاہ نے ٹوئٹر پوسٹ میں دعویٰ کیا ہےکہ مجھے ایک مقبول ٹی وی چینل کی جانب سے رمضان ٹرانسمیشن 2020 کی میزبانی کرنے کی پیشکش کی گئی ہے۔

حریم شاہ نے سب سے پوچھا بھی کیا آپ لوگ مجھے بطور میزبان دیکھنا چاہتے ہیں؟ اپنی رائے سے آگاہ کریں۔

حریم کے دعوے اور سوال پر متعدد صارفین کی جانب سے انہیں ہمیشہ کی طرح پھر ملے جلے ردعمل کا سامنا کرنا پڑا۔

مریم شیخ نامی صارف نے صاف انکار کرتے ہوئے لکھا کہ ’تم نہیں حریم شاہ‘۔

ابو یامام نامی صارف نے تنقید کا تاثر دیتے ہوئے سوال کیا کہ ’کیا ایک عذاب کافی نہیں‘۔

عدنان نامی صارف نے بھی ناپسندیدگی کا اظہار کرتے ہوئے کہا کہ ’آپ کو خدا کا واسطہ ہے! اس وقت کو بھی آنا تھا؟ اللہ ہمارے دین اور ایمان کی حفاظت کرے۔  

واضح رہے کہ حریم شاہ اکثر تنقید کی زد میں رہتی ہیں، گزشتہ برس دفتر خارجہ میں ٹک ٹاک ویڈیو بنانے پر تنازع کھڑا ہوا تھا اس کے بعد  کبھی سیاسی شخصیت اور کبھی کرکٹرز سے متعلق ان کی ٹوئٹس سامنے آتی رہتی ہیں۔