سونے کی قیمت تاریخ کی بلند ترین سطح پر پہنچ گئی

شاہ سلمان بن عبدالعزیز کیلئے دعائے صحت، امریکی صدر کا سعودی ولی عہد کو فون
July 24, 2020
اداکارہ روبینہ اشرف کورونا سے مکمل صحت یابی کے بعد گھر منتقل
July 24, 2020

سونے کی قیمت تاریخ کی بلند ترین سطح پر پہنچ گئی

کراچی: ملک بھر میں رواں ہفتے کے چوتھے کاروباری روز صرافہ مارکیٹوں میں فی تولہ سونے کی قیمت میں 2100 روپے کا اضافہ ریکارڈ کیا گیا۔

تفصیلات کے مطابق عالمی منڈی میں سونے کی قیمتوں میں اضافے کے بعد مقامی صرافہ مارکیٹوں میں بھی سونے کی قیمتوں میں اضافہ دیکھا گیا۔

جیولرز ایسوسی ایشن کے مطابق فی تولہ سونے کی قیمت 2100 روپے اضافے کے بعد ایک لاکھ 17 ہزار 300 روپے ہوگئی۔

دس گرام سونا 1800 روپے مہنگا ہوکر 1 لاکھ 565 روپے کا ہوگیا،جبکہ عالمی صرافہ بازار میں سونے کی قدر 25 ڈالر اضافے سے 1881 ڈالر فی اونس ہے۔

یاد رہے کہ گزشتہ روز عالمی مارکیٹ میں اضافے کی وجہ سے پاکستان میں سونے کی فی تولہ قیمت میں 1500 روپے کا اضافہ ریکارڈ کیا گیا تھا۔