سعودی حکام کی شہریوں سے آن لائن کام کروانے کی اپیل

برطانیہ: لاک ڈاؤن کی تیاریاں مکمل، انڈر گراؤنڈ اسٹیشنز بند کرنے کا اعلان
March 19, 2020
ایس ای سی پی اسٹاک مارکیٹ کو سہارا دینے میدان میں آ گیا
March 19, 2020

سعودی حکام کی شہریوں سے آن لائن کام کروانے کی اپیل

ریاض: سعودی وزارت داخلہ نے اپنے شہریوں سے اپیل کی ہے کہ وہ اپنے تمام سرکاری امور آن لائن انجام دیں اور دفاتر کا دورہ نہ کریں۔

سعودی ویب سائٹ کے مطابق سعودی وزارت داخلہ نے مقامی شہریوں اور مقیم غیر ملکیوں سے اپیل کی ہے کہ وہ وزارت داخلہ اور اس کے ماتحت سیکیورٹی اداروں سے متعلقہ کام کروانے کے لیے دفاتر جانے سے گریز کریں۔

سعودی وزارت داخلہ کا کہنا ہے کہ سعودی شہری اور مقیم غیر ملکی اپنے کام آن لائن ابشر کے ذریعے کروا سکتے ہیں۔

وزارت کا کہنا ہے کہ 200 سے زائد کام ایسے ہیں جن کے لیے وزارت داخلہ یا اس کے ماتحت کسی ادارے کے دفتر جانے کی ضرورت نہیں یہ سارے کام آن لائن کروائے جا سکتے ہیں۔

وزارت داخلہ نے واضح کیا کہ ابشر سے 15 ملین سے زائد افراد مختلف کام کروا رہے ہیں لہٰذا سعودی شہری اور مقیم غیر ملکی ابشر پر جا کر وزارت داخلہ اور اس کے محکموں سے مختلف کاموں کے بارے میں معلومات حاصل کریں اور کارروائی مکمل کروائیں۔

وزارت نے کام کے بارے میں کسی بھی قسم کی معلومات لینے کے لیے رابطہ نمبر بھی جاری کیا ہے۔

خیال رہے کہ سعودی عرب میں کرونا وائرس سے بچنے کے لیے سخت حفاظتی اقدامات اپنائے جارہے ہیں۔