امریکی سیاہ فام کا قاتل کہاں ہے؟

ابو ظہبی میں داخلے پر پابندی عائد
June 1, 2020
ماسک نہ پہننے پر جرمانہ: ماسک کی جگہ عربی رومال استعمال کیا جاسکتا ہے
June 1, 2020

امریکی سیاہ فام کا قاتل کہاں ہے؟

واشنگٹن: امریکی سیاہ فام کے قاتل سابق پولیس اہلکار کو ملک کے سب سے محفوظ ترین جیل میں رکھا گیا ہے۔

غیرملکی خبررساں ادارے کی رپورٹ کے مطابق ساہ فام کے قتل کے بعد امریکا بھر میں پرتشدد مظاہروں کے پیش نظر ’ڈیرک چون‘ نامی قاتل پولیس اہلکار کو ملک میں قائم سب سے محفوظ ترین جیل میں رکھا گیا ہے۔

رپورٹ کے مطابق امریکی ریاست ’منی سوٹا‘ میں قائم جیل کو ملک کے اہم ترین جیلوں میں شمار کیا جاتا ہے جہاں سیکیورٹی کے فل پروف انتظامات کے علاوہ قیدیوں پر کڑی نظر رکھی جاتی ہے۔

’جیورج فلوئڈ‘ نامی سیاہ فام کے قتل کے بعد ملک بھر میں مظاہرے پھوٹ پڑے ہیں جبکہ انتظامیہ کو خدشہ ہے کہ مظاہرین ڈیرک چون پر حملے کے لیے جیل تک بھی پہنچ سکتے ہیں اسی کے پیش نظر اقدامات سخت کردیے گئے ہیں۔

سابق پولیس اہلکار کو پہلی بار 8 جون کو عدالت میں پیش کیا جائے گا۔

خیال رہے کہ کچھ روز قبل امریکی ریاست منی سوٹا میں سابق پولیس افسر ڈیرک چون کے تشدد کے باعث سیاہ فام امریکی جارج فلوئڈ ہلاک ہوگیا تھا، سوشل میڈیا پر وائرل ہونے والی ویڈیو میں دیکھا جاسکتا ہے کہ پولیس افسر متاثرہ شخص کی گردن پر کافی دیر تک گھٹنا رکھے بٹھا رہا جو اس کی موت کا باعث بنا۔

سیاہ فام شخص کی پولیس کے ہاتھوں ہلاکت کے خلاف مسلسل چھٹے روز بھی مظاہرے جاری ہیں، مشتعل افراد نے کئی گاڑیوں اور درجنوں املاک کو نذر آتش کردیا ہے، مظاہرین نے پولیس اسٹیشن کو بھی آگ لگا دی، سرکاری املاک کو نقصان پہنچانے پر درجنوں افراد کو گرفتار بھی کیا گیا ہے۔