‘ارتغرل’ کے مداحوں نے ڈرامے میں کوہلی اور عثمان شنواری کے ہم شکل ڈھونڈ لیے

اسٹیٹ بینک نے شرح سود میں مزید ایک فیصد کمی کردی
May 16, 2020
نااہلی کیس میں جواب جمع کرانے کا آخری موقع، وزیر قانون پنجاب الیکشن کمیشن طلب
May 22, 2020

‘ارتغرل’ کے مداحوں نے ڈرامے میں کوہلی اور عثمان شنواری کے ہم شکل ڈھونڈ لیے

وزیر اعظم پاکستان عمران خان کی ہدایت پر  پاکستان ٹیلی ویژن نیٹ ورک پر  حال ہی میں نشر کیے جانے والے شہرہ آفاق ڈرامے ارتغرل کے ہر جگہ چرچے ہو رہے ہیں۔

ترکی سمیت دنیا کی مختلف زبانوں میں ڈب کر کے چلایا جانے والا ڈرامہ ارتغرل پاکستان میں ترکی سے بھی زیادہ مقبول ہو رہا ہے۔

پاکستان میں ارتغر ل کی مقبولیت کا اندازہ اس بات سے لگایا جا سکتا ہے کہ  یہ ڈرامہ یوٹیوب پر پاکستان میں سب سے زیادہ دیکھا جانے والا ڈرامہ بن گیا ہے۔

دوسری جانب ارتغرل ٹوئٹر  پاکستان کے ٹرینڈنگ پینل پر  سرفہرست ہوتا ہے جب کہ ڈرامے کی کردار ‘حلیمہ’ بھی خوب مقبول ہو رہی ہیں۔

لیکن اب ارتغرل کے مداحوں نے ڈرامے میں بھارتی کرکٹر  ویرات کوہلی اور قومی کرکٹ ٹیم کے کھلاڑی عثمان شنواری کے ہم شکل کو  بھی ڈھونڈ لیا ہے۔

اس ضمن میں پاکستان کرکٹ ٹیم کے فاسٹ بولر محمد عامر کی جانب سے ٹوئٹ کیا گیا جس میں انھوں نے ڈرامے کے ایک کردار کی تصویر شیئر کی جو کہ کافی حد تک ویرات کوہلی سے مشابہت رکھ رہا تھا۔

https://twitter.com/RomanRaza4/status/1260555178157256706?ref_src=twsrc%5Etfw%7Ctwcamp%5Etweetembed&ref_url=https%3A%2F%2Furdu.geo.tv%2Flatest%2F221576-

دوسری جانب ایک صارف نے ارتغرل کے ایک اور کردار کی تصویر شیئر کی جو کہ پاکستان کرکٹ ٹیم کے کھلاڑی عثمان شنواری سے مل رہا تھا۔

 بعدازاں ٹوئٹر پر ویرات کوہلی اور عثمان شنواری جیسے دکھنے والے ارتغرل کے کرداروں کی تصاویر کو شیئر اور ری ٹوئٹ کرنے کا سلسلہ شروع ہو گیا اور صارفین کا کہنا ہے کہ یہ دونوں واقعی کھلاڑیوں سے بہت مشابہت رکھتے ہیں۔